Bruno Fernandes កំពុងធ្វើដំណើរទៅអង់គ្លេស ដើម្បីសម្រេចការផ្ទេរទៅលេងនៅក្លឹប Manchester United ហើយសម្រាប់រដូវកាលថ្មីខាងមុខ។កីឡាកររបស់ក្រុម Sporting Lisbon ម្នាក់នេះ ត្រូវបានក្រុមបិសាចក្រហមទាក់ទងទិញយកជាយូរមកហើយ ក្នុងតម្លៃខ្លួន៦២លានផោន។ ក្រោយពីការចរចាត្រូវគ្នាមក ពេលនេះកីឡាករកំពុងធ្វើដំណើរទៅអង់គ្លេស ដើម្បីពិនិត្យសុខភាពជាផ្លូវការតែម្ដង។ ខ្សែបម្រើរូបនេះ ទើបតែល្បីឈ្មោះកាលពីរដូវកាលមុន ដោយរកបាន៣២គ្រាប់ និងបញ្ជូនបាល់ឱ្យមិត្តរួមក្រុមបាន១៨គ្រាប់។ អ្វីដែលកាន់តែធ្វើឱ្យគេចាប់អារម្មណ៍ថែមទៀតនោះ គឺការបង្ហាញទម្រង់លេងយ៉ាងល្អ ពេលក្រុម Sporting លេងមិត្តភាពស្មើក្រុម Liverpool ២-២។
មិនត្រឹមតែទិញម្នាក់ខាងលើនេះទេ ក្រុម Man Utd ក៏កំពុងចរចាយកកីឡាករ Sergej Milinkovic-Savic ពីក្រុម Lazio មកផងដែរ។ នេះជាការនាំចូលកីឡាករថ្មីរបស់លោក Ole ដើម្បីប្រជែងពានរង្វាន់ English Premier League វិញនៅរដូវកាលក្រោយ៕
ប្រភព៖ DailyMail