លោក Zidane កំពុងបង្ហាញក្ដីបារម្ភចំពោះបញ្ហាកីឡាកររបួសនៅក្នុងក្រុម Real Madrid ក្រោយពីលេងមិត្តភាពត្រឹម២ប្រកួតកន្លងមកនេះ។
ក្រុម Real Madrid ទើបតែទទួលបានដំណឹងខ្សែការពារចំណូលថ្មី Ferland Mendy រងរបួស ត្រូវសម្រាកយ៉ាងតិច១ខែទៀតហើយ ស្របពេល Asensio ឯណោះត្រូវសម្រាកពេញ១រដូវកាលតែម្ដង។ ដោយឡែកកីឡាករវ័យក្មេង Brahim Diaz ក៏របួសថែមទៀត ដែលធ្វើឱ្យក្រុម Real Madrid មិនទាន់ចាប់ផ្ដើមរដូវកាលផង មានកីឡាករក្នុងក្រុមរបួស៣នាក់ទៅហើយ។
កត្តានេះធ្វើឱ្យលោក Zidane មានក្ដីបារម្ភជាខ្លាំង ចំពោះការរៀបក្រុមលេង។ ត្បិតអីលោកបានរៀបចំរួចទៅហើយសម្រាប់រដូវកាលថ្មី ប៉ុន្តែកត្តាកីឡាកររបួសអាចនឹងប៉ះពាល់ខ្លាំងទៅលើក្បួនលេងនេះ។ មួយវិញទៀត វាក៏ធ្វើឱ្យមានការបង្អាក់ដំណើរលក់កីឡាករមួយចំនួនក្នុងក្រុមផងដែរ៕ប្រភព៖ Marca
