យុវជនក្រោមវ័យ ២១ ឆ្នាំគឺកីឡាករ Ademola Lookman របស់ក្លឹប Everton បានព្រមព្រៀងផ្លាស់ទៅចូលរួមជាមួយ RB Leipzig ជាផ្លូវការហើយ។ កីឡាករអង់គ្លេសរូបនេះបានផ្លាស់ចេញពី Charlton មកចូលរួមនៅ Everton នាឆ្នាំ ២០១៧ តែទីបំផុតក៏ងាកទៅចាប់ផ្តើមអាជីពថ្មីនៅទឹកដីអាល្លឺម៉ង់។
កន្លងទៅបានចូលរួមនៅលក្ខខណ្ឌខ្ចីជើងជាមួយ Leipzig បានមួយរយៈកាល ដោយមើលឃើញពីភាពជោគជ័យក្លឹបនៅលីគ Bundesliga ក៏ចំណាយថវិកាប្រមាណ ២២,៥ លានផោនទិញ Lookman ផ្តាច់យកតែម្តង។
បញ្ជាក់ក្រោយពីកិច្ចព្រមព្រៀង រូបគេនិយាយថា៖ “ខ្ញុំពិតជារីករាយនឹងការវិលត្រលប់មកទីនេះ ដោយខ្ញុំចង់បន្តបន្ទាប់ពីធ្លាប់ចាកចេញមកចូលរួមនៅ RB Leipzig នៅពាក់កណ្តាលឆ្នាំ ២០១៨ ហើយខ្ញុំចង់អរគុណដល់អ្នកគាំទ្រនិងក្លឹបដែលធ្វើឲ្យការផ្លាស់ប្តូរនេះអាចសម្រេចទៅបាន”។ ប្រភព៖ TalkSport