អេហ្ស៊ីប អាចនឹងហាលអាវត្រឹមវគ្គក្នុងពូលនេះហើយ បន្ទាប់ពីបរាជ័យជាលើកទី២ ក្រោមថ្វីជើងរបស់ក្រុមម្ចាស់ផ្ទះរុស្ស៊ី ក្នុងលទ្ធផល ៣-១។
រុស្ស៊ី ដែលជាក្រុមមួយគេមើលរំលង ហើយគិតថាអាចនឹងធ្លាក់ត្រឹមវគ្គក្នុងពូលនេះ បែរជាលេងល្អទៅវិញ ធ្វើឱ្យមតិរិះគន់បះជើងច្រូងតែម្ដង។ ប្រកួតដំបូងរបស់ពួកគេ ស៊ីក្រុមអារ៉ាប៊ីសាអ៊ូឌីតដល់ទៅ ៥-០ ឯណោះ ស្របពេលប្រកួតទី២យប់មិញនេះធ្វើបានល្អថែមទៀត យកឈ្នះលើក្រុមអេហ្ស៊ីបបានក្នុងលទ្ធផល ៣-១។ លទ្ធផលនេះ អាចល្មមសម្រាប់ម្ចាស់ផ្ទះរក្សាកៅអីឡើងទៅវគ្គ១៦ក្រុមចុងក្រោយបាន ប៉ុន្តែត្រូវរង់ចាំមើល អារ៉ាប៊ីសាអ៊ូឌីត ប៉ះជាមួយអ៊ុយរ៉ុយហ្គាយសិន បើ អារ៉ាប៊ីសាអ៊ូឌីតចាញ់នោះ រុស្ស៊ីឡើងទៅដោយស្វាយប្រវត្តិហើយ។