ខ្សែប្រយុទ្ធស្លាប Marco Asensio នឹងអវត្តមាន១រដូវកាលពេញតែម្ដង ក្រោយពីរងរបួសជង្គង់ធ្ងន់ធ្ងរ ក្នុងការប្រកួតមិត្តភាពទល់ក្រុមកាំភ្លើងធំ Arsenal ។
Asensio ត្រូវបានពិនិត្យឃើញថា មិនត្រឹមតែដាច់សរសៃពួរក្បាលជង្គង់ (ACL) ទេ បន្ទះឆ្អឹងខ្ចីដែលនៅចន្លោះឆ្អឹងភ្លៅ និងឆ្អឹងកំភួនជើង (External Menicus) របស់គេក៏បាក់ដែរ។ របួសនេះត្រូវការវះកាត់ជាបន្ទាន់ ហើយរយៈពេលនៃការព្យាបាលវិញគឺអាចនឹង១រដូវកាលនេះពេញតែម្ដង ដែលរូបគេនឹងអវត្តមានពីទីលានប្រកួត។
អ្វីដែលគួរឱ្យបារម្ភលើសពីនេះទៅទៀតនោះ របួស ACL នេះគឺបន្ទាប់ពីជាសះស្បើយហើយនោះ អ្នករបួសអាចនឹងលាប់ និងប្រឈមហានិភ័យនឹងរបួសនេះទ្វេដង។ កីឡាករមិនតិចទេ ដែលខូចអនាគតដោយសាររបួសដាច់សរសៃពួរក្បាលជង្គង់នេះ៕ប្រភព៖ Bbc