ក្រុម Spurs កំពុងជជែកជាមួយក្រុម Juventus ដើម្បីទិញយកកីឡាករ Dybala មករួមក្រុមក្នុងតម្លៃខ្លួន៨០លានផោន។
ក្លឹបមាន់ខ្នាយមាស បានបញ្ជាក់ថាពួកគេចាប់អារម្មណ៍ទៅលើខ្សែប្រយុទ្ធអាហ្សង់ទីនខាងលើនេះ ហើយចង់សួរនាំតម្លៃឱ្យបានម៉ត់ចត់ដើម្បីនាំយករូបគេមករួមក្រុមនារដូវក្ដៅនេះ។ ពួកគេនឹងបំបែកកំណត់ត្រាទិញចូលតម្លៃខ្លួនរបស់ក្លឹប ប្រសិនបើជាយក Dybala មកមែន ព្រោះកីឡាករវ័យ២៥ឆ្នាំរូបនេះ មានតម្លៃផ្ដាច់កុងត្រាដល់ទៅ៨០លានផោនឯណោះ។
Dybala មិនសូវបានលេងឡើយ នៅពេល Ronaldo បានមកដល់។ ខណៈដែលរូបគេក៏មានឈ្មោះក្នុងបញ្ជីកីឡាករលក់ចេញផងដែរ។ ដូច្នេះហើយទើបបានជាក្រុម Spurs បានបង្ហាញការចាប់អារម្មណ៍លើរូបគេ ឱ្យបានមុនក្រុម Man Utd ដែលកំពុងស្វែងរកខ្សែប្រយុទ្ធបន្ថែមដូចគ្នា៕ប្រភព៖ Dailymail