ខ្សែប្រយុទ្ធ Gareth Bale ត្រូវគេរាយការណ៍ថាបរាជ័យក្នុងការផ្លាស់ទៅលេងនៅក្លឹប Jiangsu Suning ក្នុងប្រទេសចិនហើយ។
កីឡាករវែលរូបនេះ កំពុងព្យាយាមចាកចេញពីក្រុម Real Madrid ឱ្យបានក្រោយពីអ្នកចាត់ការក្រុម Zidane និយាយច្បាស់ៗថារូបគេមិនសមនៅ Real Madrid ទៀតនោះទេ។ មានក្លឹបនៅចិន Jiangsu Suning ចង់បាន Bale ខ្លាំង ដោយបានផ្ដល់តម្លៃខ្លួនដល់ទៅជាង១លានដុល្លារឯណោះក្នុង១សប្ដាហ៍ ដើម្បីនាំខ្សែប្រយុទ្ធរូបនេះមកលេងនៅអាស៊ី។
យ៉ាងណាមិញ បើតាមប្រភពនៅចិនវិញ បានបញ្ជាក់ថាក្លឹបនិងកីឡាករខាងលើបានបរាជ័យក្នុងការចុះកុងត្រាទៅហើយ។ ដូច្នេះមានន័យថារូបគេមិនអាចមកលេងនៅលីគកំពូលចិនបានឡើយ។ ដោយប្រភពបញ្ជាក់ថាក្លឹប Suning នឹងចុះកុងត្រាកីឡាករបរទេស២នាក់នៅសប្ដាហ៍នេះ ប៉ុន្តែមិនមែនជា Bale នោះទេ៕ប្រភព៖ Dailymail