Real Madrid នឹងមិនអាចនាំយក Paul Pogba មកកាន់ទឹកដី Santiago Bernabeu បាននោះទេ ប្រសិនណាបញ្ហានៃការត្រៀមវ៉ៃចេញ Gareth Bale មិនទាន់អាចសម្រេចទៅបានជាផ្លូវការ។
យោងតាមសារព័ត៌មាន AS បានចុះផ្សាយថាអនាគតរបស់ខ្សែបម្រើវ័យ ២៩ ឆ្នាំ ក៏ស៊ីសងលើការចែកផ្លូវរបស់ Bale ថាអាចសម្រេចបាននៅពេលណា។ នេះក៏ដោយសារកត្តាតម្លៃពលកម្មដែលក្លឹបផ្តល់ជូន Bale គឺខ្ពស់កប់ពពក ហើយក៏មិនអាចទៅផ្គត់ផ្គង់លើ Pogba ម្នាក់ទៀតដែរ មួយទៀតតម្លៃខ្លួនរបស់កីឡាករបារាំងត្រូវ United កំណត់ខ្ពស់ដល់ទៅ ១៥០ លានផោន។
បញ្ជាក់ថាក្រៅពីការលក់ចេញ Bale ក្លឹបស្តេចស Madrid ក៏រំពឹងនឹងលក់ James Rodriguez ថែមម្នាក់ទៀត ដោយតាមហាងឆេងថ្លៃខ្លួនអាប់ដែតចុងក្រោយបង្អស់ខ្សែបម្រើប្រយុទ្ធសញ្ជាតិកូឡុំប៊ីអាចមានតម្លៃប្រមាណ ៥០ លានអឺរ៉ូ។ ប្រភព៖ Sportsmole