ប្រភពពីកីឡាករខ្មែរ ដែលបានរស់នៅប្រទេសថៃ ក្រោមដំបូលរបស់ក្លិប Chanthaburi FC ដែលស្ថិតនៅក្របខ័ណ្ឌលីគទីបួន បានប្រកាសជាផ្លូវការអំពីការចាកចេញពីក្លិបមួយនេះហើយ ។ នេះបើតាមការបង្ហោះសារលាទៅកាន់មិត្តរួមក្រុមនៅលើគណនីហ្វេសប៊ុករបស់កីឡាករ ង៉ែត លីទី។
បើតាមការលិចឭពីប្រភពស្និទ្ធិមួយបានទម្លាយថា កីឡាករ័យក្មេងរូបនេះ ទំនងជានឹងមកចូលរួមជាមួយក្លិបនៅក្នុងលីគកំពូលកម្ពុជា សម្រាប់ការប្រកួតជុំទីពីរនៃរដូវកាល ២០១៨នេះ ប៉ុន្តែពុំទាន់ដឹងថាជាក្រុមណាមួយនៅឡើយទេ ។
តាមការឆ្លើយឆ្លងតាមរយៈបណ្តាញសង្គមហ្វេសប៊ុក លីទី ថាខ្លួនមិនអាចឆ្លើយតបអ្វីបាននៅឡើយទេ ដោយសារតែបច្ចុប្បន្នភាគីទាំងសងខាងកំពុងជជែកគ្នានៅឡើយ ៕
គួរបញ្ជាក់ថាចាប់តាំងពីចូលរួមជាមួយក្លិប Chanthaburi នេះមក រ៉ាទី ទទួលបានការបង្ហាញខ្លួនក្នុងជម្រើស ១១នាក់ដំបូង បាន ០១លើកប៉ុណ្ណោះ ប៉ុន្តែមិនធ្លាប់ត្រូវបានប្តូរចូលក្នុងនាមជាកីឡាករបម្រុងនោះឡើយ ដោយរូបគេបញ្ជាក់ថា ដោយសារតែបច្ចុប្បន្នរបួសចាស់ដែលធ្លាប់ឈឺពេលនៅកម្ពុជា នៅតែធ្វើទុក្ខរូបគេ។ សារព័ត៌មានក្នុងស្រុកមួយបានចេញផ្សាយការពីពេលថ្មីៗនេះ ។
