ក្រុម Real Madrid បានយកឈ្នះក្រុម Arsenal ក្នុងលទ្ធផលកាត់សេចក្ដីបាល់១១ម៉ែត្រ ៣-២ ក្រោយពីលេងស្មើគ្នា ២-២ នៅម៉ោងប្រកួតពានរង្វាន់ ICC ។
ក្នុងការប្រកួតនេះ ក្រុម Real Madrid នៅសល់គ្នា១០នាក់ ក្រោយពី Nacho ទទួលបានកាតក្រហមនៅត្រឹមនាទី៩ ដើមតង់ទី១។ ក្រោយពីបានកាតក្រហមនេះហើយ ក្រុម Arsenal ចាប់ផ្ដើមមានកម្លាំងបុកនិងរកបាន២គ្រាប់ឯណោះ ដោយ Lacazette ប៉េណល់ទីនាទី១០ និង Aubameyang នាទី២៤។ ការប្រកួតនេះកាន់តែស្វិតស្វាញថែមទៀត ក្រោយពី Arsenal នៅសល់គ្នាត្រឹម១០នាក់ដែរ ក្រោយពី Papastathopoulos បានកាតក្រហមដែរ។
១០ទល់១០នាក់នេះហើយ នៅតង់ទី២ ក្រុម Real Madrid ចាប់ផ្ដើមមានសាច់បាល់លេងវិញ រហូតដល់ Bale រកបាន១គ្រាប់នៅនាទី៥៦ និង Asensio ថែមបានគ្រាប់ស្មើទៀតនៅនាទី៥៩។ ចប់ការប្រកួតពួកគេស្មើគ្នា ២-២ ហើយត្រូវកាត់សេចក្ដីយកក្រុមចាញ់ឈ្នះដោយបាល់ប៉េណាល់ទី។ នៅវគ្គប៉េណាល់ទីនេះ ក្រុម Real Madrid ធ្វើបានល្អជាងក្រុម Arsenal ដោយអាចយកឈ្នះក្នុងលទ្ធផល ៣-២៕ប្រភព៖ Dailymail