តារាឆ្នើមរបស់ក្រុមបាល់ទាត់ថៃគឺ Chanathip Songkrasin និង Theerathon Bunmathan បានជាប់ឈ្មោះនៅក្រុមល្អបំផុត (Team of the Week) សម្រាប់សប្តាហ៍ទី ២០ នៅក្របខ័ណ្ឌកំពូលជប៉ុន J1 League។
កន្លងទៅអ្នកទាំងពីរក៏ទើបតែទទួលបានការកោតសរសើរពីសំណាក់អ្នកចាត់ការថ្មីលោក Akira Nishino ដែលជឿថាពួកគេនឹងជាគ្រាប់ពេជ្រដ៏សំខាន់ក្នុងការប្រកួតជម្រុះ World Cup ២០២២ ក្នុងពេលខាងមុខ។
ទៅមើល Theerathon លេងនៅខ្សែការពារឆ្វេងឲ្យក្លឹប Yokohama F.Marinos បានយកឈ្នះលើ Vissel Kobe ២-០ ខណៈក្លឹបរបស់ Chanathip គឺ Consadole Sapporo យកឈ្នះលើ Shonan Bellmare នៅលទ្ធផល ៥-២ ដែលខ្សែបម្រើប្រយុទ្ធថៃស៊ុតបង្ហើយគ្រាប់បាល់ទី ៥ នៅនាទី ៨៤។ ប្រភព៖ FoxSportAsia