រឿងរ៉ាវចាក់ស្រេះរបស់ Gareth Bale តពីមួយថ្ងៃទៅមួយថ្ងៃល្មមឲ្យអ្នកគាំទ្រកាន់តែជក់ចិត្ត ដោយចង់ដឹងថាតើកីឡាករសញ្ជាតិវែលនឹងផ្លាស់ទៅចូលរួមនៅក្លឹបមួយណាឲ្យពិតប្រាកដឬត្រូវបន្តនៅឈរជើងត្រឹមជាស្រមោលនៅក្លឹប Real Madrid?
តាមរយៈការថ្លែងចុងក្រោយបង្អស់ពីភ្នាក់ងាររបស់ Bale គឺលោក Bernett បាននិយាយថា៖ “Gareth ជាកីឡាករល្អបំផុតមួយរូបក្នុងលោក ដោយខ្ញុំអាចធានាថាគាត់នឹងមិនចាកចេញទៅកាន់ក្លឹបណាមួយក្នុងលក្ខខណ្ឌខ្ចីជើងបាននោះឡើយ”។
លោកបន្ត៖ “Gareth ជាកីឡាកររបស់ Real Madrid ហើយឥឡូវនេះគាត់ឈរជើងនាមជាកីឡាករនៅ Real Madrid ហើយប្រសិនសំណើណាមួយធ្លាក់មកសមរម្យ នោះគ្រប់យ៉ាងក៏អាចនឹងផ្លាស់ប្តូរត្រឹមរយៈពេល ១ ថ្ងៃឬ ១ សប្តាហ៍ទៅមុខ ឬគាត់អាចនឹងបន្តលេងនៅទីនេះរហូតដល់ចប់កុងត្រា ៣ ឆ្នាំដែលនៅសេសសល់”។ ប្រភព៖ AF