ក្លឹបបិសាចក្រហម Man Utd ត្រូវបានគេរាយការណ៍ថាចង់បាន Bruno Fernandes ទៅចូលរួមជាមួយក្លឹបនារដូវកាលក្រោយ បន្ទាប់ពីមើលឃើញពីគុណភាពដ៏ជំនាញរបស់ខ្សែបម្រើប្រយុទ្ធរូបនេះនៅការប្រកួត UEFA Nations League កន្លងមក។
យ៉ាងណាមិញតាមរយៈសំណើកន្លងមកដែលល្ហិចល្ហៀងថាបិសាចហ៊ានឲ្យដល់ ៦២ លានអឺរ៉ូ ក៏ត្រូវបានប្រធានក្លឹប Sporting CP លោក Frederico Varandas ធ្វើការច្រានចោលថាមិនទទួលយកនោះទេ ពោលគឺតម្លៃខ្លួន Fernandes ត្រូវខ្ពស់ជាងហ្នឹងបន្ថែមទៀត។
លោកបានប្រាប់ RTP ថា៖ “ខ្ញុំមិនដឹងថាមានក្លឹបច្រើនចាប់អារម្មណ៍ឬអត់ទេ ប៉ុន្តែមានការលើកឡើងពីតម្លៃខ្លួន ៥៥ លាន ឬ ៦២ លាន ដោយតម្លៃនេះមិនអាចឲ្យគាត់ចាកចេញទៅបានឡើយ ព្រោះជាការពិតប្រសិន Bruno ចេញ យើងក៏ត្រូវការចាយលុយលើកីឡាករមានគុណភាពឯទៀតមកចូលរួមផងដែរ”។
បញ្ជាក់ថាក្រោយពីការបដិសេធរបស់ប្រធានក្លឹប ទៅមើលបិសាចក្រហមក៏មិនប្រាកដថាអាចដាក់សំណើថ្មីនោះដែរ ព្រោះកន្លងមកខ្លួនចាយអស់ច្រើនលើការចុះហត្ថលេខាយក Daniel James និង Wan-Bissaka ក្បែរ ៦៥ លានផោនរួចទៅហើយ ខណៈដែលរឿងរ៉ាវជាមួយ Harry Maguire ប្រមាណ ៨០ លានផោនទៀតក៏កំពុងឃ្លាំមើល។ ប្រភព៖ BeSoccer