Nabil Fekir កីឡាករដែល Liverpool ចង់បានរដូវកាលមុន ពេលនេះបានសម្រេចចិត្តផ្លាស់ទៅលេងនៅក្លឹប Real Betis ហើយក្នុងកុងត្រា៤ឆ្នាំ តម្លៃខ្លួន២២លានផោន។
ខ្សែប្រយុទ្ធបារាំងខាងលើនេះ ជាកីឡាករដែលក្លឹប Liverpool តាមទិញខ្លាំងរដូវកាលមុន ដោយផ្ដល់តម្លៃដល់ទៅជាង៦០លានផោនទៅហើយ ប៉ុន្តែ Lyon មិនព្រមលក់។ ស្របពេលរដូវកាលនេះវិញ ហាក់ដូចជាប្លែកខ្លាំង ព្រោះក្រុម Real Betis ទិញរូបគេបានត្រឹមតែ២២លានផោនប៉ុណ្ណោះ។ តម្លៃខ្លួននេះ ហាក់ដូចជាធ្លាក់ឆ្ងាយខ្លាំងមែនទែន។
ការធ្លាក់តម្លៃខ្លួនខ្លាំងនេះ គឺដោយសារតែសាមីខ្លួនកីឡាករផ្ទាល់នៅសល់កុងត្រាតែ១ឆ្នាំទៀតប៉ុណ្ណោះ ហើយរូបគេក៏មិនព្រមបន្ដកុងត្រាទៀតដែរ។ ដូច្នេះហើយ ក្រុម Lyon មានតែជម្រើស១ប៉ុណ្ណោះគឺលក់រូបគេចេញ ដើម្បីបានប្រាក់ខ្លះមកវិញ ជាជាងឱ្យខ្សែប្រយុទ្ធរូបនេះចាកចេញទៅដោយ Free៕ប្រភព៖ Dailymail