De Gea ​ចង់​ធ្វើ​ប្រធាន​ក្រុម Man Utd ​រដូវ​កាល​ថ្មី​

អ្នក​ចាំ​ទី David de Gea ​ចង់​ក្លាយ​ជា​ប្រធាន​ក្រុម Manchester United ​សម្រាប់​រដូវ​កាល​ថ្មី​ខាង​មុខ ​ជាមួយ​ការ​ត​កុងត្រា​ថ្មី​នៅ Old Trafford ​របស់​គេ។

កីឡាករ​អេស្ប៉ាញ​កំពុង​រៀប​ចំ​ត​កុងត្រា​នៅ Man Utd ​រហូត​ដល់​ឆ្នាំ​២០២៥ ​ដោយ​អាច​នឹង​ឡើង​តម្លៃ​ពលកម្ម​ដល់ ៣៧៥ ០០០​ផោន​ក្នុង​១​សប្ដាហ៍​សម្រាប់​កុងត្រា​ថ្មី។ ​ជាមួយ​កុងត្រា​នេះ​ដែរ រូបគេ​ក៏​អាច​នឹង​ក្លាយ​ជា​ប្រធាន​ក្រុម​ថ្មី​របស់​ក្រុម​បិសាច​ក្រហម​នេះ​ដែរ ជាមួយ​បទ​ពិសោធ​ច្រើន​ឆ្នាំ​របស់​គេ​ជាមួយ​ក្រុម Man Utd ​កន្លង​មក។

អ្នក​ចាំទី​ឆ្នើម​ខាង​លើ​បាន​និយាយ​ថា​៖ “ខ្ញុំ​ធ្លាប់​បាន​ធ្វើ​ជា​ប្រធាន​ក្រុម​ប៉ុន្មាន​ប្រកួត​ដែរ។ វា​ពិត​ជា​មាន​អារម្មណ៍​អស្ចារ្យ​ខ្លាំង​ណាស់ ដែល​អាច​ធ្វើ​ជា​ប្រធាន​ក្រុម​ដូចជា Manchester United ​នេះ។ វា​ជា​រឿង​អស្ចារ្យ ​ច្បាស់​ណាស់​ប្រសិន​បើ​ខ្ញុំ​អាច​មាន​ឱកាស​បាន​ក្លាយ​ជា​ប្រធាន​ក្រុម​នេះ។ វា​ជា​រដូវ​កាល​ទី​៩​ហើយ​សម្រាប់​ខ្ញុំ ​ហើយ​ខ្ញុំ​មាន​អារម្មណ៍​ថា​ខ្លួន​ឯង​ជា​កីឡាករ​មាន​បទ​ពិសោធ​ច្រើន​បំផុត​ក្នុង​ក្រុម”៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT