យោងតាមសារព័ត៌មាន ESPN បានចុះផ្សាយថាក្លឹបយក្ស FC Barcelona បាននឹងកំពុងរៀបចំការចរចាជាមួយ Lionel Messi ដើម្បីបន្តកុងត្រាថ្មីដល់ខ្សែប្រយុទ្ធសញ្ជាតិអាហ្សង់ទីនរូបនេះឲ្យដល់ឆ្នាំ ២០២៣។
សព្វថ្ងៃកុងត្រាចាស់របស់លោកនឹងត្រូវបញ្ចប់ត្រឹមថ្ងៃទី ៣០ មិថុនា ឆ្នាំ ២០២១ បែបនេះក្លឹបចង់ឲ្យ M10 ឈរជើងលើសពីឆ្នាំ ២០២១ ពោលគឺបន្ថែម ២ ឆ្នាំទៀតដែលល្មមដល់ Messi មានវ័យ ៣៦ ឆ្នាំ។
ប្រសិនការចរចាធ្វើទៅបានដោយជោគជ័យ នោះគឺជាការចុះកុងត្រាលើកទី ១០ ហើយរវាងភាគីនៃក្លឹបកាតាឡាន់និង Lionel Messi រាប់តាំងពីចាប់ផ្តើមអាជីពនាឆ្នាំ ២០០៤។ លោក Josep Maria Bartomeu នឹងបើកការជជែកពិភាក្សាជាមួយភ្នាក់ងាររបស់ Messi ដែលជាឪពុកផ្ទាល់គឺលោក Jorge នៅពេលដ៏ខ្លីខាងមុខ។ ប្រភព៖ AF