Maurizio Sarri បាននិយាយថាខ្លួននឹងផ្ដល់ឱកាសពិសេសដល់ Cristiano Ronaldo ដោយអាចលេងបានគ្រប់តំបន់ទាំងអស់នៅក្រុម Juventus ។
Sarri បានចូលកាន់តំណែងជាអ្នកចាត់ការក្រុមរបស់ Juventus ហើយ។ ការចូលដឹកនាំរដូវកាលដំបូងនេះដែរ អតីតអ្នកចាត់ការក្រុម Chelsea បានលើកឡើងថាលោកជឿជាក់លើសមត្ថភាពរបស់ Ronaldo ។ ដូច្នេះមិនមានអ្វីប្លែកទេ ដែលរូបគេនឹងក្លាយជាតួអង្គសំខាន់ក្នុងក្រុម។ មួយវិញទៀត បើតាមសមត្ថភាពរបស់កីឡាករព័រទុយហ្គាល់រូបនេះ គេអាចលេងបានគ្រប់តំបន់ទាំងអស់ក្នុងក្រុម។
“Cristiano គឺជាកីឡាករល្អជាងគេក្នុងក្រុមរបស់យើង ដូច្នេះខ្ញុំគិតថាយើងគួរតែរៀបចំឱ្យបានល្អ។ កីឡាករក្នុងក្រុម១០នាក់ទៀត គឺតែងតែលេងតាមតួនាទីរបស់គាត់ ប៉ុន្តែសម្រាប់ Cristiano គាត់អាចទៅគ្រប់កន្លែងនៅលើទីលាន។ គាត់ជាកីឡាករល្អ ហើយខ្ញុំគិតថាវាជារឿងសំខាន់ណាស់ដែលឱ្យគាត់អាចលេងបានគ្រប់តំបន់លើទីលាន”។ សម្ដី Sarri ៕ប្រភព៖ Sport360