រឿងគួរចាប់អារម្មណ៍មួយចំនួន ក្នុងជំនួបវិសាខាឈ្នះភ្នំពេញក្រោន ៤-៣ យប់មិញ

ក្រុមម្ចាស់ផ្ទះវិសាខា បានយកឈ្នះប្រផិតប្រផើយ ៤-៣ លើក្រុមភ្ញៀវភ្នំពេញក្រោន កាលពីយប់មិញ ក្នុងការប្រកួតសប្តាហ៍ទី១៦នៃលីគកំពូលកម្ពុជា។

ក្នុងនោះមានរឿងមិនអាចភ្លេចបានមួយចំនួនបានកើតឡើងក្នុងប្រកួតនេះ៖

ភ្នំពេញក្រោនពុំទាន់ឈ្នះវិសាខា៖ ​នេះជារដូវកាលទី២ ដែលក្លឹបមានមូលដ្ឋាននៅតំបន់ហ្រ្គេនភ្នំពេញឡើងមកលីគកំពូលកម្ពុជា។ ក្នុងការប៉ះគ្នា២ជើង រដូវកាលមុន ស្មើគ្នា ០-០ ម្តង និងម្តងទៀត វិសាខា ឈ្នះ ៣-១។ សម្រាប់រដូវកាល២០១៩នេះ ប៉ះគ្នាទាំងពីរជើង វិសាខា បានឈ្នះ ៣-១ និង ៤-៣។

អ្នកគាំទ្រច្រើនបំផុតក្នុងលីគ៖ ប្រហែលមានការបោះពាក្យទៅវិញទៅមកច្រើន លើបណ្តាញសង្គម ធ្វើឲ្យអ្នកគាំទ្រយ៉ាងច្រើនមហាសាលធ្វើដំណើរទៅមើលការប្រកួតនេះ។ ស្ថិតិដែលប្រកាសដោយគណៈកម្មការប្រកួតមានចំនួន៥៥១២នាក់។ ក្រៅពីការប្រកួត ក៏មានការសម្តែងកំដរពីកញ្ញា ទេព បូព្រឹក្ស និងការរៀបចំឲ្យមានអ្នកទស្សនាមួយចំនួនមកពីខេត្តព្រៃវែងផងដែរ។

រឿងឌឺដងគ្នាមិនទាន់បញ្ចប់៖ ក្រោយប្តូរចូល ខ្សែបម្រើសក់ក្រហម ស៊ិន កក្កដា បានស៊ុតចូលក្រុមចាស់ដែលផ្តល់ឧកាសឲ្យខ្លួនផ្តើមអាជីពបាល់ទាត់។ គេបានដោះអាវលើកអបអរ ដូចទៅនិង Messi ដែរ។ ប្រការនេះ បានធ្វើឲ្យអ្នកគាំទ្រភ្នំពេញក្រោនខឹងសម្បាយ៉ាងខ្លាំងរហូតតាមផ្លែផ្កាលើបណ្តាញសង្គមថែមទៀត។ ក្រោយចប់ការប្រកួត គ្រូបង្គោល ស៊ុំ វណ្ណា បានបដិសេដមិនចាប់ដៃជាមួយលោក ហុក សុចិត្រា ដែលជាអ្នកចាត់ការវិសាខា។ ចំណុចតបនេះ បានធ្វើឲ្យអ្នកគាំទ្រលើបណ្តាញសង្គមរឹះគន់គួរសមផងដែរ។

លទ្ធផលគូផ្សេងទៀតប្រចាំសប្តាហ៍នេះ៖

[MCL-WEEK16] លទ្ធផលសរុបការប្រកួត សប្តាហ៍ទី១៦ | Week16⚽️ សូមចូលរួមគាំទ្រវិស័យបាល់ទាត់ជាតិអោយបានច្រើនកុះករទាំងអស់គ្នា 🇰🇭🇰🇭🇰🇭⚜️⚜️⚜️⚜️⚜️⚜️⚜️⚜️#METFONECAMBODIANLEAGUE#CNCC

Posted by Metfone Cambodian League on Sunday, July 21, 2019

ភ្ជាប់ទំនាក់ទំនងជាមួយ CTS SPORT