Jiangsu Suning គឺជាក្លឹបចិនមួយដែលកំពុងដំណើរការចរចាយកខ្សែប្រយុទ្ធ Gareth Bale មករួមក្រុម ក្រោយពីក្លឹប Real Madrid ចង់បញ្ចេញរូបគេកាន់តែខ្លាំងទៅ។
កាលពីម្សិលមិញនេះ Zidane បានបង្ហើបថាក្លឹប Real Madrid កំពុងរៀបចំឯកសារដើម្បីធ្វើយ៉ាងណាឱ្យការផ្ទេររបស់ Gareth Bale បានចេញកាន់តែឆាប់ៗខាងមុខនេះ។ ដោយក្នុងនោះ គេដឹងថាមានក្លឹបនៅចិនមួយឈ្មោះថា Jiangsu Suning មានភាគរយខ្ពស់ជាងគេ ដោយកំពុងតែចរចាយកកីឡាករវែលនេះហើយ។ អ្វីដែលសំខាន់ទៀតនោះ ក្លឹបចិនខាងលើនេះហានឱ្យ Bale នូវប្រាក់ពលកម្មដល់ទៅជាង១លានដុល្លារឯណោះក្នុង១សប្ដាហ៍ ប្រសិនបើរូបគេព្រមមកមែន។
Bale ជាកីឡាករម្នាក់ដែលមានទំនាស់ច្រើនមែនទែនជាមួយអ្នកចាត់ការ Zidane ។ បុរសបារាំងបានប្រកាសដាក់រូបគេលក់តាំងពីចុងរដូវកាលមុន ប៉ុន្តែមិនទាន់បានលក់ចេញទេ ព្រោះក្លឹបដាក់តម្លៃខ្លួនខ្ពស់ពេក៕ប្រភព៖ Marca