តារាឆ្នើមនៅក្លឹប LA Galaxy គឺ Zlatan Ibrahimovic ត្រូវបានរាយការណ៍ថាកំពុងស្នើឲ្យក្លឹបចុះហត្ថលេខានាំយកកីឡាកររបស់ Paris Saint-Germain ដែលទើបតែបញ្ចប់កុងត្រានៅបិទរដូវកាល ២០១៨/១៩។
នោះគឺខ្សែប្រយុទ្ធបារាំង Hatem Ben Arfa ដែលកំពុងទំនេរជើងលើទីផ្សារដោះដូរ ក្រោយផុតកុងត្រាកាលពីចុងខែមិថុនាកន្លងទៅ។ បុរសវ័យ ៣២ ឆ្នាំក៏រងការចង់បានពីក្លឹបអេស្ប៉ាញមានដូចជា Real Betis, Leganes និង Espanyol នេះបើតាមសារព័ត៌មាន L’Equipe ចុះផ្សាយកន្លងមក។
ប្រភពដដែលក៏សង្កត់ធ្ងន់ថាលោកព្រះ Zlatan ក៏ចង់បានខ្ញីចាស់រូបនេះឲ្យទៅចូលរួមនៅ LA Galaxy ជាមួយខ្លួនផងដែរ ព្រោះមើលតាមគុណភាពលេងគឺនៅយកជាការបាន។ មិនត្រឹមតែក្លឹបនៅអេស្ប៉ាញដោយសូម្បីតែ Frankfurt និង Borussia Monchengladbach ក៏ចាប់អារម្មណ៍លើ Hatem ដូចគ្នា នេះអាចនឹងជារឿងលំបាកមួយដែលយើងនឹងឃើញលទ្ធផលក្នុងពេលដ៏ខ្លីខាងមុខ។ ប្រភព៖ Soccerladuma