Manny Pacquiao បានបញ្ជាក់ថាឆ្នាំក្រោយខ្លួននឹងឡើងសង្វៀនប្រកួតម្ដងទៀត ដោយមិនទាន់គិតដល់រឿងចូលនិវត្តន៍នោះទេ។Pacquiao ទើបតែយកឈ្នះលើអ្នកប្រដាល់អាមេរិក Keith Thurman មុននេះដណ្ដើមយកខ្សែក្រវាត់ WBA (super) welterweight។ ការប្រកួតនេះជក់ចិត្តខ្លាំងមែនទែន ព្រោះថាអ្នកទាំងពីរនេះមិនមែនជាអ្នកដែលពូកែរត់នោះទេ ពោលគឺតែងតែព្យាយាមវាយសម្រុកគ្នាទៅវិញទៅមកតែម្ដង។ យ៉ាងណាមិញ ចប់លទ្ធផល ១២ទឹកពេញ ស្ដេចប្រដាល់នៅអាស៊ី Pacquiao យកឈ្នះអ្នកខ្លាំងអាមេរិក បានដោយពិន្ទុ។
ក្រោយពីយកខ្សែក្រវាត់បានហើយ កីឡាករហ្វីលីពីនខាងលើបាននិយាយថាខ្លួនគោរពដល់ដៃគូ Thurman ព្រោះរូបគេជាអ្នកខ្លាំងម្នាក់។ រូបគេជាកីឡាករប្រដាល់ល្អម្នាក់ ជាអ្នកប្រយុទ្ធដ៏អស្ចារ្យ។ សម្រាប់ខ្លួនលោកវិញ ចប់ការប្រកួតនេះទៅនឹងត្រលប់ទៅប្រទេសវិញ ហើយអាចនឹងត្រលប់ចូលសង្វៀនម្ដងទៀតនៅឆ្នាំក្រោយនេះ៕
ប្រភព៖ Boxingscene