Zidane ​បញ្ជាក់​ជា​ថ្មី​ចំពោះ​អនាគត Bale ​នៅ Real Madrid ​

លោក​ Zidane ​អ្នក​ចាត់ការ​ក្រុម Real Madrid ​បាន​បញ្ជាក់​ថា​អនាគត​របស់ Gareth Bale ​នៅ​តែ​មិន​ច្បាស់​ដដែល​នៅ​ក្លឹប Real Madrid ​។កីឡាករ​វ័យ​៣០​ឆ្នាំ​គ្មាន​ក្នុង​បញ្ជី​ឈ្មោះ​សម្រាប់​ការ​ប្រកួត​មិត្តភាព​កាល​ពី​ព្រឹកមិញ​នេះ​ឡើយ បើ​ទោះ​ជា​រូបគេ​មិន​មាន​បញ្ហា​របួស​អ្វី​ក៏​ដោយ។ កត្តា​នេះ​ហើយ ទើប​បាន​ជា​មាន​គេ​ចោទ​សួរ​ថា​តើ​មាន​អ្វី​កើត​ឡើង​បន្ដ​ទៀត​សម្រាប់​អនាគត​របស់​កីឡាករ​វែល​រូប​នេះ។

លោក Zidane ​ដែល​ជា​អ្នក​ចាត់ការ​ក្រុម​បាន​និយាយ​ថា​៖ “គ្មាន​បញ្ហា​អ្វី​ជាមួយ Bale ​ឡើយ ​ហើយ​ខ្ញុំ​ក៏​មិន​និយាយ​អ្វី​ទៀត​ដែរ។ គ្រប់​យ៉ាង​សុទ្ធ​តែ​អាច​កើត​ឡើង គាត់​នៅ​សល់​កុងត្រា ដូច្នេះ​យើង​ត្រូវ​រង់ចាំ​មើល​បន្ដ​ទៀត ប៉ុន្តែ​ស្ថានការណ៍​របស់ Bale ​គ្មាន​អ្វី​ប្រែប្រួល​ឡើយ​ចាប់​តាំង​ពី​ខែ​មិថុនា​មក”៕

ប្រភព៖ DailyMail

ភ្ជាប់ទំនាក់ទំនងជាមួយ CTS SPORT