ក្រុមបិសាចក្រហម Manchester United បានបញ្ជូនអ្នកថែស្មៅទៅក្រុងសៀងហៃ ប្រទេសចិន ដើម្បីរៀបចំទីលានប្រកួតឱ្យបានស្ដង់ដារ មុនការប្រកួតមិត្តភាពឈានចូលមកដល់។
ក្រុម Man Utd នឹងត្រូវប្រកួតមិត្តភាពទល់ក្រុម Spurs នៅទីលាន Hongkou Stadium ក្រុងសៀងហៃ នៅថ្ងៃព្រហស្បតិ៍សប្ដាហ៍ក្រោយនេះ។ ដោយសារតែទីលាននោះ មិនមានស្ដង់ដារ ទើបក្រុម Man Utd បានហៅអ្នកថែស្មៅមកមើលប៉ុន្មានថ្ងៃមកហើយ ដើម្បីឱ្យមានស្ដង់ដារ ខ្លាចធ្វើឱ្យកីឡាករលេងទៅមានបញ្ហារបួស។ ខណៈដែលក្រុមភាគច្រើន លេងនៅប្រទេសចិន មានបញ្ហារឿងស្មៅទីលាននេះឯង។
ក្រោយពីការប្រកួតជាមួយ Spurs នេះហើយ ក្រុម Man Utd ក៏មានការប្រកួតមិត្តភាពទល់ក្រុម Dortmund ១ប្រកួតទៀតនៅកីឡដ្ឋានសៀងហៃនេះដែរ។ ដោយទីលាននោះក៏អន់ដែរ ហើយត្រូវកែកុនបន្ថែមទៀតដោយអ្នកជំនាញថែស្មៅពីអង់គ្លេសផ្ទាល់តែម្ដង៕ប្រភព៖ Dailymail
