ប្រភពនៅអេស្ប៉ាញបានបញ្ជាក់ថា Gareth Bale អាចបន្ដលេងនៅ Real Madrid ទៀតបាននារដូវកាលក្រោយនេះ បន្ទាប់ពីថ្នាក់ដឹកនាំជួបប្រជុំគ្នារួចមក។
អ្នកចាត់ការ Zidane ម្ចាស់ក្លឹប Florentino Perez និងប្រធានចាត់ការទូទៅ Jose Angel Sanchez បានជួបប្រជុំគ្នាកាលពីថ្ងៃពុធកន្លងទៅ ដើម្បីកំណត់គោលដៅសម្រាប់រដូវកាលថ្មីខាងមុខ និងកីឡាករក្នុងក្រុមមួយចំនួនផងដែរ។ ក្នុងនោះពួកគេក៏បានពិភាក្សាពីអនាគតរបស់ Gareth Bale ផងដែរ។ ប្រភពនៅអេស្ប៉ាញបានបញ្ជាក់ទៀតថាក្រោយជំនួបនោះហើយ គេអាចសន្និដ្ឋានបានថា Bale អាចនឹងបន្ដលេងឱ្យក្រុម Real បន្ដទៀត ត្បិតអីកីឡាករនេះគ្មានគម្រោងចាកចេញទៅណាទេ។
ទន្ទឹមគ្នានឹងការនៅបន្ដរបស់ Bale នេះដែរ លោក Perez ក៏ពិចារណារកវិធីដើម្បីនាំយក Pogba ពីក្រុម Man Utd តាមការស្នើសុំរបស់លោក Zidane ផងដែរ។ អ្វីដែលពិបាកសម្រាប់ Real Madrid ក្នុងការយកកីឡាករបារាំងនេះ ព្រោះបិសាចក្រហមដាក់តម្លៃខ្លួនខ្ពស់ពេក ដល់១៨០លានផោនឯណោះ ដែលជាតម្លៃខ្ពស់ខ្លាំងមែនទែនសម្រាប់តំណែងខ្សែបម្រើនេះ៕ប្រភព៖ Dailymail
