Juan Cuadrado បានជជែកជាមួយអ្នកសារព័ត៌មានជុំវិញអនាគតរបស់ខ្លួននៅក្លឹប Juventus និងមិត្តរួមទ្រនំនៅជម្រើសជាតិ James Rodriguez ទាក់ទិនរឿងរ៉ាវគ្រោងចាកចេញពីក្លឹប Real Madrid។
កាលពីរដូវកាលចាស់ Cuadrado សឹងតែគ្មានមុខលើទីលាន ក្រោយជួបបញ្ហារបួស ហើយក៏រំពឹងទុកនឹងអាចស្រោចស្រង់ត្រលប់មកវិញនារដូវកាលក្រោយ ២០១៩/២០។ ថ្លែងប្រាប់ II Mattino រូបគេបញ្ជាក់ថា៖ “ខ្ញុំរីករាយនៅ Juventus ដោយគ្រួសាររបស់ខ្ញុំក៏រីករាយដូចគ្នា ហើយយើងគិតតែពីរឿងរស់នៅ Turin តែប៉ុណ្ណោះ។
គេបន្តជុំវិញអនាគតរបស់ James ទៅចូលរួមនៅ Napoli ដូច្នោះថា៖ “សម្រាប់ James ការមកចូលរួមនៅអ៊ីតាលីគឺល្អបំផុត ដោយគ្រប់ក្រុមពិតជារីករាយស្វាគមន៍កីឡាករដូចជារូបគាត់ ខណៈយើងម្នាកៗក៏ដឹងច្បាស់ពីការលេងដ៏ល្អរបស់គាត់ផងដែរ”។ ប្រភព៖ AF
