ក្លឹប Inter Milan បានរាយការណ៍ថានៅតែបន្តព្យាយាមចុះហត្ថលេខាចង់នាំយកខ្សែប្រយុទ្ធ Romelu Lukaku របស់ក្លឹបបិសាចក្រហម Mancheseter United ដែលមានតម្លៃថ្លៃដល់ទៅ ៨៣ លានអឺរ៉ូឬជាង ៩៣ លានដុល្លារ។ នេះបើតាមសារព័ត៌មាន Gazzetta dello Sport។
ម្តងជាពីរលើកបានធ្វើឲ្យការដាក់សំណើរបស់ក្លឹបនៅអ៊ីតាលី [Inter] ហាក់ចាប់ផ្តើមបាត់បង់ការធ្វើចិត្ត ដោយសារបិសាចក្រហមបានដំឡើងថ្លៃកីឡាករសញ្ជាតិបែលហ្សិករូបនេះជ្រុល។ ជម្រើសបន្ទាប់ដែល Inter អាចនឹងពិចារណាគឺបង្វែរការចាប់អារម្មណ៍ទៅលើ Edinson Cavani ជំនួសវិញ ប្រសិនណាតម្លៃខ្លួន Lukaku នៅតែមិនធ្លាក់បែបនេះ។
រំឭកថានារដូវកាលបន្ទាប់ គ្រប់គ្នាមិនរំពឹងទុកថាបុរសសម្បុរខ្មៅមាឌធំ Lukaku អាចមានឱកាសបង្ហាញមុខច្រើននោះទេ ពោលគឺព្យាករណ៍ថាលោក Ole Gunnar Solskjaer អាចប្រើប្រាស់យុវជនជួរមុខដូចជា Rashford, Martial និង Daniel James ជាជម្រើសដំបូងច្រើនជាង។ ប្រភព៖ Goal
