លោក Jurgen Klopp អ្នកចាត់ការក្រុម Liverpool បានបញ្ជាក់ថាក្រុមនឹងមិនអាចចាយច្រើនទៀតបានទេ ព្រោះ២រដូវកាលកន្លងមក ក្រុមចំណាយខ្លាំងលើទីផ្សារដោះដូរកីឡាករ។
និយាយក្នុងបទសម្ភាសន៍ផ្ទាល់ក្លឹប Liverpool លោក Klopp បានបង្ហើបថាក្លឹបនឹងមិនចំណាយប្រាក់ច្រើនបានទៀតទេ ព្រោះ២រដូវកាលកន្លងមកបានចាយអស់ច្រើនទៅហើយ។ អ្វីដែលលោកអាចនិយាយបានគឺប្រឹងប្រែងរក្សាកីឡាករដែលមានបច្ចុប្បន្ន ព្រោះមានក្លឹបជាច្រើនកំពុងចង់បានកីឡាករ Liverpool ។
អ្នកចាត់ការសញ្ជាតិអាល្លឺម៉ង់បានបន្ថែមទៀតថា៖ “តែងតែមានអ្នកនិយាយ១រដូវកាលចំណាយ២០០ទៅ៣០០លានផោន។ មានតែក្លឹប២ទេនៅលើលោកនេះ ដែលអាចចំណាយបានដូច Real Madrid និង Barcelona ដោយក្លឹប២នោះគឺ Man City និង PSG ដែលអាចធ្វើវាបានរៀងរាល់ឆ្នាំ។ ប៉ុន្តែយើងគឺល្អហើយ ខ្ញុំសប្បាយចិត្តជាមួយក្រុមដែលខ្ញុំមានសព្វថ្ងៃ”៕ប្រភព៖ Foxsportsasia