ភ្នាក់ងារទីផ្សាររបស់ Gareth Bale បានចេញមុខច្រានចោលជាថ្មីម្ដងទៀត ថាកីឡាករវែលនឹងមិនចាកចេញពី Real Madrid ដើម្បីទៅលេងឱ្យ Spurs វិញឡើយ។
កាលពីម្សិលមិញនេះ កាសែតអេស្ប៉ាញ Marca បានចុះផ្សាយថា Spurs ចង់បាន Bale ជាថ្មីម្ដងទៀត ដោយអាចផ្ដល់តម្លៃខ្លួន៥០ទៅ៦០លានអឺរ៉ូ ជាមួយប្រាក់ពលកម្មត្រឹមពាក់កណ្ដាលពេលនៅ Real Madrid ។ ជាមួយដំណឹងនេះ លោក Jonathan Barnett ភ្នាក់ងារទីផ្សាររបស់ Bale បានចេញមុខមកបកស្រាយភ្លាមតែម្ដង។
លោកបានបញ្ជាក់ថា កីឡាករជម្រើសជាតិវែលខាងលើ នឹងមិនចាកចេញទៅណាពី Real Madrid ឡើយ។ បើទោះជាមិនស្ថិតក្នុងគម្រោងរបស់លោក Zidane ប៉ុន្តែរូបគេនៅតែចង់បន្ដលេងក្នុងក្លឹបនេះ ទៀតសម្រាប់រដូវកាលថ្មីខាងមុខ។ បច្ចុប្បន្នរូបគេកំពុងហ្វឹកហាត់យ៉ាងខ្លាំង ដើម្បីប្រជែងតំណែងតំបន់ប្រយុទ្ធខាងលើរបស់ Real Madrid ៕ប្រភព៖ Dailymail