ខ្សែការពារ Matthijs de Ligt បានផ្លាស់ទៅលេងនៅក្លឹប Juventus មែនទែនហើយ ក្រោយពីគេឃើញធ្វើដំណើរដល់ទីក្រុង Turin កាលពីយប់មិញនេះ។
De Ligt ជាខ្សែការពារវ័យក្មេង និងមានសមត្ថភាពគួរឱ្យកត់សម្គាល់។ មានក្លឹបជាច្រើនចង់បានរូបគេ ប៉ុន្តែចរចាមិនត្រូវគ្នា ដោយមានតែ Juventus មួយប៉ុណ្ណោះអាចទាក់ចិត្តកីឡាករវ័យ១៩ឆ្នាំនេះបាន។ តម្លៃខ្លួនរបស់គេគឺ៦៣លានផោន និងបន្ថែម១០លានផោនទៀតសម្រាប់ជា Bonus ប្រសិនបើរូបគេជួយក្រុមបានច្រើន។
គេរំពឹងថាការបង្ហាញខ្លួនផ្លូវការនឹងធ្វើឡើងនៅល្ងាចថ្ងៃពុធនេះតែម្ដង។ រូបគេនឹងចូលហ្វឹកហាត់ជាមួយក្រុមនៅថ្ងៃបន្ទាប់ ដើម្បីត្រៀមលេងប្រកួតមិត្តភាពរដូវក្ដៅខាងមុខ៕ប្រភព៖ Dailymail