កីឡាករ Neymar បានទៅជួបផ្ទាល់ជាមួយថ្នាក់ដឹកនាំក្រុម PSG នៅបារាំងហើយ ដើម្បីចរចាគ្នាចំពោះអនាគតរបស់គេសម្រាប់រដូវកាលថ្មីខាងមុខ។
កាលពីម្សិលមិញនេះ Neymar បានចូលហាត់ជាមួយសមាជិកក្រុមវិញហើយ ក្រោយពីបដិសេធមិនមកកាលពីសប្ដាហ៍មុន ហើយត្រូវ PSG ពិន័យជាង៤០ម៉ឺនដុល្លារ។ ទន្ទឹមគ្នានឹងការព្រមចូលហាត់វិញនេះដែរ ក៏មានដំណឹងមកថាកីឡាករប្រេស៊ីលរូបនេះ ពេលជួបថ្នាក់ដឹកនាំក្រុម PSG រូបគេនៅតែសុំក្លឹបចាកចេញដដែល សម្រាប់រដូវក្ដៅនេះ ដោយខ្លួនចង់ទៅលេងនៅ Barcelona វិញ។
ក្លឹប PSG ក៏មិនហាមឃាត់សម្រាប់ការចាកចេញនេះដែរ ប៉ុន្តែក៏ត្រូវឱ្យក្លឹបដែលចង់បាននោះ ដាក់តម្លៃខ្លួនសមរម្យទើបពួកគេព្រមលក់ចេញ។ មុននឹងលក់ចេញនេះដែរ Neymar ក៏ត្រូវមកហាត់និងស្ដាប់តាមថ្នាក់ដឹកនាំក្រុមលីគកំពូលបារាំងនេះសិនដែរ មិនអាចធ្វើអ្វីតាមតែចិត្តចង់បានឡើយ៕ប្រភព៖ Dailymail
