Takefusa Kubo ឈ្មោះក្រៅហៅថា Messi ជប៉ុន កំពុងបង្ហាញសមត្ថភាពបានយ៉ាងល្អ អំឡុងពេលហ្វឹកហាត់ជាមួយក្រុម Real Madrid ត្រៀមប្រកួតមិត្តភាព។
កីឡាករវ័យក្មេងរបស់ជប៉ុននេះ គឺក្រុម Real Madrid ទិញមក ដោយគម្រោងយកទៅលេងនៅឈុតយុវជនសិន មិនទាន់អាចឡើងក្រុមធំឡើយ។ តែក្រោយពីហ្វឹកហាត់ជាមួយឈុតធំប៉ុន្មានថ្ងៃមកនេះ គេសង្កេតឃើញថា Kubo ធ្វើបានយ៉ាងល្អ ដែលធ្វើឱ្យគ្រូបង្វឹកចាប់អារម្មណ៍លើគេខ្លាំងមែនទែន។ មិនត្រឹមតែគ្រូបង្វឹកឡើយ សូម្បីតែមិត្តរួមក្រុមដែលជារាមច្បងនោះ ក៏សរសើរពីការខិតខំប្រឹងប្រែងរបស់គេដែរ។
កីឡាករវ័យ១៨ឆ្នាំនេះ ត្រូវបានគេប្រៀបទៅនឹង Vinicius Jr ដែលអាចចូលមកលេងក្រុមធំបាន។ Kubo ត្រូវបានគេរំពឹងថានឹងអាចថតរូបត្រៀមរដូវកាលថ្មីជាមួយក្រុមធំតែម្ដង ហើយបើសិនជារូបគេនៅតែធ្វើបានល្អ និងអភិវឌ្ឍខ្លួនយ៉ាងនេះទៀត អាចនឹងជាប់ឈ្មោះលេងក្រុមធំហើយ៕ប្រភព៖ Dailymail
