Griezmann បាននិយាយថារូបគេនឹងសុំទោសអ្នកគាំទ្រក្រុម Atletico Madrid អំឡុងពេលប្រកួតនៅលើទីលាន ចំពោះការប្រកាសចាកចេញរបស់គេមករួមក្រុម Barcelona ។
ក្នុងឱកាសបង្ហាញខ្លួនជាផ្លូវការឱ្យក្រុម Barcelona កីឡាករឆ្នើមសញ្ជាតិបារាំងខាងលើបានបញ្ជាក់ថារូបគេនឹងសុំទោសអ្នកគាំទ្រ AT Madrid ទាំងអស់ ចំពោះការបែកធ្លាយឯកសារខ្លួនយល់ព្រមមកលេងឱ្យក្រុម Barcelona ច្រើនខែមកហើយ។ មួយវិញទៀត Griezmann ក៏នឹងអរគុណគ្រប់យ៉ាងដែលអ្នកគាំទ្រ AT Madrid ផ្ដល់ឱ្យគេអំឡុងពេលលេងនៅទីនោះផងដែរ។
កីឡាករវ័យ២៨ឆ្នាំបានផ្លាស់មកលេងនៅ Barcelona ក្នុងតម្លៃខ្លួន១០៨លានផោន កុងត្រា៥ឆ្នាំ។ អំឡុងពេលលេងឱ្យក្រុមរបស់លោក Simeone រូបគេរកគ្រាប់បាល់បាន១៣៣គ្រាប់ ក្នុងការបង្ហាញខ្លួន២៥៧ប្រកួត៕ប្រភព៖ Dailymail
