ក្លឹប Manchester United ត្រូវបានរាយការណ៍ថាផ្ញើសារទៅកាន់ក្លឹប Real Madrid ឲ្យពិចារណាលើរឿងរ៉ាវរបស់ Paul Pogba លឿនជាងនេះបន្តិច ពោលគឺដាក់ពេលវេលាកំណត់ត្រឹមថ្ងៃទី ៨ សីហាខាងមុខ។ នេះបើតាមសារព័ត៌មាន Mirror បានចុះផ្សាយ។
Pogba ដែលធ្លាប់បញ្ជាក់ពីបំណងចង់ដើរចេញពី Old Trafford មានតាំងពីក្លឹប Real Madrid, Juventus និង Paris ចង់បានកីឡាករបារាំងរូបនេះ។ យ៉ាងណាមិញ United បានដាក់តម្លៃកល់ដល់ទៅ ១៥០ លានផោន ស្របពេលអធិរាជស Madrid កន្លងមកបានចាយអស់ ៣០០ លានរួចទៅហើយនោះ។
នេះជាការដាក់គំនាបមួយបន្ថែមទៀតសម្រាប់ក្លឹបយក្សអេស្ប៉ាញ ប្រសិនណាពួកគេចង់ពន្យារពេលដល់បិទទីផ្សារដោះដូរនៅអង់គ្លេស ទើបប្រកាសពីការចូលចរចានោះនឹងមិនអាចទៅរួចឡើយ។
បញ្ជាក់ថាទីផ្សារដោះដូររបស់អង់គ្លេសដែលត្រូវបញ្ចប់ត្រឹមថ្ងៃ ៨ សីហាមានន័យថាក្លឹបនៅ PL មិនអាចនាំចូលកីឡាករចូលក្លឹបនោះទេ ប៉ុន្តែសម្រាប់ការលក់ចេញអាចធ្វើទៅបានសេរី ខណៈនៅ LaLiga បើកទ្វារទទួលដល់ដើមខែកញ្ញាឯណោះ។ ប្រភព៖ Sportsmole