កាលពីម្សិលមិញនេះ មានដំណឹងថា Zidane បានចាកចេញពីជំរំហ្វឹកហាត់របស់ Real Madrid នៅកាណាដាភ្លាមៗ តែម្ដង ដើម្បីហោះត្រលប់ទៅអេស្ប៉ាញវិញ ដោយសារបញ្ហាផ្ទាល់ខ្លួន។បើតាមការបញ្ជាក់របស់ក្លឹប Real Madrid ការចាកចេញរបស់ Zidane នេះ គឺលោកទៅចួលរួមបុណ្យសពរបស់បងប្រុសបង្កើតឈ្មោះ Farid Zidane។ លោក Farid មានវ័យ៥៤ឆ្នាំ ហើយលោកបានស្លាប់ដោយសារតែជំងឺមហារីក។ ក្រុមគ្រួសារត្រកូល Zidane ទាំងអស់សុទ្ធតែទៅចូលរួមកម្មវិធីបុណ្យសពនេះ ដូច្នេះហើយទើបលោក Zidane សុំការអនុញ្ញាតពីប្រធានក្លឹបដើម្បីទៅចូលរួម។អំឡុងពេលអ្នកចាត់ការខាងលើមិននៅ លោក David Bettoni ដែលជាគ្រួជំនួយជាអ្នកដឹកនាំក្រុមហ្វឹកហាត់ជំនួស។ ហើយក្រុមកីឡាករ Real Madrid ទាំងអស់ក៏បានបង្ហាញពីការរំលែកទុក្ខដ៏ក្រៀមក្រំមួយនេះដែរ៕
ប្រភព៖ GalPost