លោក Saee Seck ប្រធានសហព័ន្ធបាល់ទាត់របស់ប្រទេសសេណេហ្គាល់ ចង់ឱ្យកីឡាករ Sadio Mane ផ្លាស់ទៅលេងនៅក្លឹប Real Madrid ក្រោយពីជួយក្រុម Liverpool លើកពាន UEFA Champions League ។ខ្សែប្រយុទ្ធ Mane បានឈ្នះស្បែកជើងមាសនៅក្របខណ្ឌ English Premier League ហើយក៏បានជួយក្រុម Liverpool លើកពានរង្វាន់ UEFA Champions League ផងដែរ។ ការលេងបានយ៉ាងល្អនៅរដូវកាលមុននេះហើយ ទើបបានជាប្រធានសហព័ន្ធសេណេហ្គាល់ចង់ឃើញកីឡាកររួមសញ្ជាតិគ្នានេះ ផ្លាស់ទៅលេងនៅក្លឹបថ្មីទៀត ដើម្បីអភិវឌ្ឍខ្លួនកាន់តែខ្ពស់ឡើង។
ក្លឹបថ្មីដែលលោក Saee Seck ចង់ឱ្យ Mane ទៅលេងនោះគឺ Real Madrid របស់អេស្ប៉ាញ។ លោកបានបន្ដទៀតថាលោកជាអ្នកគាំទ្រ Barcelona ប៉ុន្តែក្លឹបបន្ទាប់ដែល Mane គួរទៅនោះគឺ Real Madrid ព្រោះក្លឹបមួយនេះអាចធ្វើឱ្យរូបគេកាន់តែល្បីល្បាញបន្ថែមទៀត៕
ប្រភព៖ DailyMail