ខ្សែការពារ Harry Maguire បានប្រាប់ទៅសមាជិកក្រុម Leicester City ថារូបគេចង់ចាកចេញពីក្រុមហើយនារដូវក្ដៅនេះ ដើម្បីទៅលេងក្លឹបថ្មី រកបទពិសោធថ្មី។ខ្សែការពារជម្រើសជាតិអង់គ្លេសខាងលើនេះ មានក្លឹប២ដែលចង់បានរូបគេខ្លាំងគឺ Manchester United និង Manchester City ។ យ៉ាងណាមិញ តម្លៃខ្លួនរហូតដល់៧៥លានផោននេះ គេអាចសម្គាល់ឃើញថានៅសល់តែ Man Utd ទេ ដែលនៅចង់បានខ្លាំង ខណៈដែល Man City វិញហាក់ដកថយទៅហើយ ព្រោះតម្លៃដល់ទោ៧៥លានផោននេះគឺអាចចាត់ទុកថាថ្លៃ។
ជាមួយគ្នានឹងក្រុម Man Utd បន្ដចរចាយកនេះដែរ សាមីខ្លួន Maguire វិញក៏បានប្រាប់ទៅមិត្តរួមក្រុមនិងអ្នកចាត់ការក្រុម Rodgers រួចទៅហើយថារូបគេពិតជាចង់ចាកចេញនៅរដូវកាលនេះមែន។ ត្បិតតែចង់ចាកចេញយ៉ាងនេះមែន ប៉ុន្តែរូបគេក៏បន្ដហ្វឹកហាត់ជាមួយមិត្តរួមក្រុមដទៃទៀតដែរ ដើម្បីត្រៀមប្រកួតមិត្តភាពបើករដូវកាល៕
ប្រភព៖ DailyMail