កីឡាករ Griezmann បានទៅដល់ទីលានរបស់ក្រុម Barcelona ហើយ ក្រោយពីសម្រេចការផ្ទេរចេញពីក្រុម Atletico Madrid ក្នុងតម្លៃខ្លួន១០៨លានផោន។ទន្ទឹមនឹងការទៅលេងនៅក្លឹបថ្មីជាមួយ Lionel Messi នេះដែរ កីឡាករបារាំងខាងលើបានបញ្ជាក់ថារូបគេមកទីនេះ ដើម្បីជួយក្រុមឈ្នះពានរង្វាន់ទាំងអស់នារដូវកាលថ្មីខាងមុខ។ ពានរង្វាន់ដែលចង់ឈ្នះនោះរួមមាន La Liga , Copa del Rey និង UEFA Champions League ។
ខ្សែប្រយុទ្ធជួយបារាំងលើកពាន World Cup 2018 បានបន្ថែមទៀតថាបច្ចុប្បន្ននេះ Barcelona ជាក្លឹបធំមួយទៅហើយ ប៉ុន្តែខ្លួនចង់ជួយក្រុមនេះឱ្យកាន់តែធំជាងនេះទៅទៀត។ការបានទៅលេងជាមួយ Messi នេះដែរ Griezmann រំពឹងថារូបគេនឹងយល់ចិត្តគ្នាល្អ ហើយធ្វើឱ្យតំបន់ប្រយុទ្ធខាងលើរបស់ក្រុមអ្នកមានបុណ្យកាន់តែមុតស្រួចថែមទៀត៕
ប្រភព៖ DailyMail