ខ្សែប្រយុទ្ធ Neymar បានបញ្ជាក់ថាការប្រកួតដែលខ្លួនពេញចិត្តជាងគេក្នុងអាជីព គឺការប្រកួតដែលខ្លួនលេងឱ្យក្រុម Barcelona ហើយវាយបកទម្លាក់ក្រុម PSG បាននៅ UEFA Champions League ។នៅឆ្នាំ២០១៧ ការប្រកួតរវាងក្រុម Barcelona និង PSG នៅតែធ្វើឱ្យគេចង់ចាំទុកជានិច្ច ព្រោះជាការប្រកួតមួយដែលវាយបកខ្លាំងមែនទែន ក្រោយពី Barca ចាញ់ PSG ៤-០ ទៅហើយ តែអាចយកឈ្នះវិណបាន ៦-១ នៅជើងទី២។ ទន្ទឹមគ្នានឹងការប្រកួតជក់ចិត្តនេះដែរ វាក៏បានជាប់ជាការប្រកួតមួយដែល Neymar មិនអាចបំភ្លេចបានផងដែរ។
កីឡាករប្រេស៊ីលដែលបច្ចុប្បន្នលេងនៅ PSG ហើយកំពុងប្រកាសចង់ចាកចេញនេះដែរ បាននិយាយទាំងមិនលាក់លៀមឡើយថាខ្លួនពេញចិត្តណាស់ក្នុងការប្រកួតមួយដែលរូបគេបានរួមចំណែកទម្លាក់ក្រុម PSG ពី Champions League ។ រូបគេនៅតែចង់ចាំការវាយបកយ៉ាងអស្ចារ្យនោះដដែល រហូតមកដល់បច្ចុប្បន្ននេះ៕
ប្រភព៖ DailyMail