Antoine Griezmann សម្រេចថានឹងចូលរួមតតាំងសមរភូមិដ៏ក្តៅគគុកនារដូវកាលក្រោយជាមួយក្លឹបថ្មី FC Barcelona បន្ទាប់ពីកិច្ចព្រមព្រៀងលើទំហំប្រាក់ ១២០ លានអឺរ៉ូបានបញ្ចប់ទៅដោយរួចរាល់។
កីឡាករសញ្ជាតិបារាំងបានព្រមព្រៀងលើកុងត្រារយៈ ពេល ៥ ឆ្នាំ ដែលត្រូវផុតនៅឆ្នាំ ២០២៤ ជាមួយតម្លៃផ្តាច់កុងត្រាថ្លៃដល់ទៅ ៨០០ លានអឺរ៉ូ ដែលតម្លៃនេះសមល្មមនឹងក្លឹបដទៃខ្លាចរអានឹងបើកការចរចាចង់បាន Griezmann នាថ្ងៃខាងមុខ។
អ្នកមានបុណ្យនឹងកាន់តែរឹងមាំបន្ថែមទៀត ជាពិសេសសម្រាប់ការតតាំងនៅ Champions League នារដូវកាលក្រោយ ដោយតំបន់ប្រយុទ្ធខាងមុខចម្បង ៣ រូបអាចនឹងប្រើប្រាស់ Griezmann, Messi, Suarez ហើយក៏កាន់តែវិសេសវិសាលសម្រាប់ការប្រកួត El Clasico ព្រោះកន្លងទៅ Real Madrid ក៏បានជះអស់ ៣០០ លានរួចមកហើយដែរសម្រាប់ពង្រឹងប្រព័ន្ធលេងរបស់ខ្លួន។ ប្រភព៖ Marca