រឿងរ៉ាវរបស់ Antoine Griezmann បានឈានមកដល់ទីបញ្ចប់ ក្រោយពេលក្លឹប FC Barcelona បានប្រកាសនៅយប់ថ្ងៃសុក្រកន្លងទៅ ពីកិច្ចព្រមព្រៀងនាំយករូបគេមកចូលរួមនៅ Camp Nou ជាមួយកុងត្រារយៈពេល ៥ ឆ្នាំ។
ការបង្ហាញខ្លួនរបស់តារាឆ្នើមសញ្ជាតិបារាំងអាចនឹងធ្វើទៅបាននៅប៉ុន្មានថ្ងៃខាងមុខ ប៉ុន្តែអ្វីដែលបានកក់រួចជាស្រេចនោះ គឺលេខអាវរបស់ Philippe Coutinho ដែលជាអាវលេខ ៧ នឹងត្រូវផ្តល់ជូនខ្សែប្រយុទ្ធរូបនេះ។ នេះបើតាមការចុះផ្សាយរបស់សារព័ត៌មានអេស្ប៉ាញ AS។
ចំណែកឯអនាគតរបស់ Coutinho គឺមានពីរគោលដៅដែលអាចធ្វើទៅបាន មានមួយនៅ Liverpool ជាក្លឹបចាស់របស់ខ្លួន និងទីពីរគឺទៅចូលរួមនៅ Paris Saint-Germain នេះក្នុងលក្ខខណ្ឌដែល Neymar រំពឹងត្រលប់មក Camp Nou វិញ។
បញ្ជាក់ថាអាវលេខ ៧ នៅអ្នកមានបុណ្យកន្លងមកធ្លាប់បានប្រើប្រាស់ដោយតារាឆ្នើមជាច្រើនដូចជា Laszlo Kubala, Pep Guardiola, Luis Figo និង David Villa។ ប្រភព៖ Sportsmole