ត្បិតខ្សែការពារ Virgil van Dijk កំពុងមានភាគរយខ្ពស់ក្នុងការក្លាយជាអ្នកគ្រងពាន Ballon d’Or សម្រាប់ឆ្នាំ ២០១៩ ប៉ុន្តែតាមរយៈការមើលឃើញរបស់ជើងចាស់លោក Rivaldo ហាក់សម្លឹងឃើញដាច់ដោយឡែក ដោយចុចឈ្មោះ Lionel Messi ជាបេក្ខភាពដែលសង្ឃឹមខ្ពស់ដាច់គេ។
ជជែកប្រាប់សារព័ត៌មាន Marca៖ “ទាំង Ronaldo និង Messi គឺសុទ្ធតែជាកីឡាករល្អ ហើយខ្ញុំចូលចិត្តអ្នកទាំងពីរ ដែល Messi តែងតែបង្កើតអ្វីដែលអស្ចារ្យនៅ Barcelona ហើយ Ronaldo គ្រប់ក្លឹបនិងជម្រើសជាតិមិនថា Juventus និងព័រទុយហ្គាល់”។
លោកបានសង្កត់ធ្ងន់៖ “ក្នុងការយល់ឃើញរបស់ខ្ញុំ Messi គួរតែឈ្នះ Ballon d’Or ឆ្នាំនេះ សម្រាប់អ្វីគ្រប់យ៉ាងដែលគាត់បានសម្រេចកន្លងមក ដោយត្បិតអីគាត់មិនឈ្នះ Champions League ប៉ុន្តែគាត់រកបានច្រើនគ្រាប់ណាស់ បែបនេះគាត់សក្តិសមនឹងទទួលវា”។ ប្រភព៖ Sportskeeda