ខ្សែការពារ Gerard Pique ត្រូវបង់ប្រាក់ប្រមាណជាជាង២លានដុល្លារ ចំពោះរឿងគេចពន្ធលើរូបថតរបស់ខ្លួននៅឆ្នាំ ២០០៨ ២០០៩ និង២០១០។
ចំពោះបញ្ហាគេចពន្ធនេះ ខ្សែការពារក្រុម Barcelona បានតវ៉ាជាច្រើនឆ្នាំមកហើយ ប៉ុន្តែមិនអាចឈ្នះក្ដីនេះឡើយ។ ដូច្នេះរូបគេនៅតែតម្រូវឱ្យបង់ពិន័យចំពោះការគេចពន្ធទៅលើរូបថតរបស់ខ្លួនក្នុងរយៈពេល៣ឆ្នាំខាងលើដដែល។ ករណីនេះ គឺដូចនឹងមិត្តរួមក្រុមរបស់គេ Messi ដែរ ដែលតម្រូវឱ្យបង់ពិន័យជាសាច់ប្រាក់ ទើបអាចគេចផុតពីការជាប់ពន្ធនាគារបាន។
កីឡាករល្បីៗនៅអេស្ប៉ាញជាច្រើននាក់ តែងតែជាប់ពិន័យទៅលើរូបថតរបស់ពួកគេ។ ជាក់ស្ដែង Ronaldo ក៏ទើបតែបង់ប្រាក់ទៅអេស្ប៉ាញដើម្បីបញ្ចប់រឿងគេចពន្ធលើសិទ្ធិលក់រូបថតរបស់ខ្លួនមុនពេលផ្លាស់ទៅលេងនៅ Juventus ដែរ។ ដោយកាលនោះ Ronaldo ចំណាយអស់ជិត២០លានអឺរ៉ូឯណោះទើបអាចរួចខ្លួនពីការជាប់ឃុំបាន៕ប្រភព៖ Foxsports
