Divock Origi ដែលត្រូវផុតកុងត្រាចាស់នាបញ្ចប់រដូវកាល ២០១៩/២០ នេះ ត្រូវបានព្រមព្រៀងជាមួយក្លឹបហង្សក្រហមលើកុងត្រាថ្មីរយៈពេលយូរបន្ថែមទៀតហើយ (មិនបញ្ជាក់ពេលវេលាច្បាស់លាស់)។
ការប្រកាសដែលធ្វើឡើងកាលពីថ្ងៃពុធនេះ ជាកាដូឆ្លើយតបទៅនឹងកិច្ចខិតខំប្រឹងប្រែងរបស់យុវជនវ័យ ២៤ ឆ្នាំដែលបានជួយឲ្យហង្សក្រហមវាយបកយកឈ្នះ Barcelona នៅវគ្គ ៤ ក្រុមចុងក្រោយ Champions League ដោយរូបគេអាចរកបាន ២ គ្រាប់ម្នាក់ឯង។
ប្រាប់គេហទំព័រផ្លូវការ Origi និយាយថា៖ “ខ្ញុំពិតជារីករាយដែលអាចចុះហត្ថលេខាលើកុងត្រានេះនិងវាបានផ្តល់នូវការជំរុញមួយសម្រាប់ការបើករដូវកាល ទាំងដែលខ្ញុំបានពេញវ័យនៅទីនេះ អំឡុងពេលចុះហត្ថលេខាដំបូងនៅវ័យ ១៩ ឆ្នាំ”។
រូបគេបន្ត៖ “នៅពេលយើងត្រូវធ្វើការសម្រេចចិត្ត ខ្ញុំចង់និយាយជាមួយក្លឹបមុនគេនិងមនុស្សសំខាន់ដែលនៅជុំវិញខ្លួន ប៉ុន្តែអារម្មណ៍របស់ខ្ញុំគឺតែងតែចង់បន្តនៅទីនេះនិងការបន្តកុងត្រាថ្មីស្រាប់ហើយ”។ ប្រភព៖ Sportskeeda