កីឡាករចំណូលថ្មី Eder Militao បានបង្ហាញខ្លួនជាផ្លូវការនាមជាកីឡាកររបស់ក្លឹប Real Madrid កាលពីថ្ងៃម្សិលមិញ។ អំឡុងការលេចវត្តមាននៅមុខសារព័ត៌មាន Militao បានបង្ហើបនូវពាក្យពេជន៍មួយចំនួនដែលខ្លួនរំពឹងទុកសម្រាប់ការចូលរួមនៅទ្រនំ Santiago Bernabeu។
លោកបញ្ជាក់ថា៖ “ខ្ញុំមានអារម្មណ៍ថារីករាយការដែលមកលេងនៅក្លឹបល្អបំផុតក្នុងលោក ហើយក៏អរគុណដល់ឪពុកនិងគ្រួសារក៏ដូចជាភ្នាក់ងារដែលជួយខ្ញុំមកឈរជើងនៅទីនេះ ពោលគឺតាំងពីក្មេងមកម្ល៉េះ ខ្ញុំចង់បានលេងនៅក្លឹបល្អបំផុតក្នុងលោកបែបនេះ”។
បុរសវ័យ ២១ ឆ្នាំបន្តថា៖ “ខ្ញុំចង់សាទរដល់ទំនុកចិត្តរបស់ប្រធានក្លឹបនិងអ្នកគាំទ្រ Real Madrid ទាំងអស់ ដែលខ្ញុំក៏នឹងផ្តល់គ្រប់យ៉ាងសម្រាប់អាវមួយនេះអស់ពីបេះដូង ហើយសង្ឃឹមថាអាចបង្កើតនូវរដូវកាលដ៏ល្អមួយនិងប្រវត្តិសាស្រ្តនៅទីនេះ, Hala Madrid”។ ប្រភព៖ BeSoccer