១០ កក្កដា ២០១៨ គឺជាថ្ងៃដែលតារាឆ្នើម Cristiano Ronaldo បានមកចូលរួមជាមួយក្លឹប Juventus បន្ទាប់ពីក្លឹប Real Madrid ព្រមព្រៀងលក់ចេញកីឡាកររបស់ខ្លួនដែលធ្លាប់រួមរស់អស់រយៈពេល ៩ រដូវកាល។
មកទល់ពេលនេះគឺមានរយៈពេល ៣៦៦ ថ្ងៃហើយសម្រាប់ CR7 នៅទឹកដីសេះបង្កង់របស់លីគកំពូលអ៊ីតាលី។ តើអំឡុងពេល ១ ឆ្នាំ កីឡាករវ័យ ៣៤ ឆ្នាំបានសម្រេចភាពជោគជ័យអ្វីខ្លះជាមួយក្លឹប?
Ronaldo បានចូលរួមតតាំងការប្រកួតចំនួន ៤៣ លើក រាប់ទាំងការប្រកួតក្នុងនិងក្រៅលីគ ហើយរកបាន ២៨ គ្រាប់និងការចែកបាល់ Assist ចំនួន ១០ លើក។ ជាងនេះលោកសម្រេចបានពានចំនួន ២ ជាមួយក្លឹប ដោយមានមួយនៅ Serie A និងមួយផ្សេងទៀតនៅ Supercoppa Italiana ក្រោយយកឈ្នះ AC Milan នៅលទ្ធផល ១-០ ដែលជាគ្រាប់បាល់សម្រេចដោយ Ronaldo ផ្ទាល់តែម្តង។