កីឡដ្ឋានថ្មីដែលមានតម្លៃជាង១ពាន់លានដុល្លាររបស់ជប៉ុន កសាងឡើងដើម្បីត្រៀមទទួលព្រឹត្តិការណ៍អូឡាំពិកឆ្នាំ២០២០ ជិតរួចរាល់១០០%ហើយ។
កីឡដ្ឋានថ្មី ដែលកសាងឡើងនៅទីក្រុង Tokyo នេះ នឹងយកមកបើកព្រឹត្តិការណ៍តែម្ដង។ ដូច្នេះហើយ ទើបវាត្រូវបានកសាងឡើងយ៉ាងពិសេសខុសពីកីឡដ្ឋានធម្មតា។ តម្លៃនៃកីឡដ្ឋានមួយនេះ គឺ១ពាន់លានផោន ស្មើនឹងជាង១ពាន់លានដុល្លារ។ ដោយអាចផ្ទុកមនុស្សបាន៦ម៉ឺននាក់ និងបំពាក់ទៅដោយបច្ចេកវិទ្យាទំនើបចុងក្រោយទាំងអស់។ គេរំពឹងថាវានឹងរួចរាល់ទាំងស្រុងនៅចុងឆ្នាំនេះ មុនពេលកម្មវិធីអូឡាំពិកបើកជាផ្លូវការនៅពាក់កណ្ដាលឆ្នាំ២០២០ខាងមុខ។
ជប៉ុន ក៏បានកសាងកីឡដ្ឋានថ្មី៨ផ្សេងទៀត លើកីឡដ្ឋានមានស្រាប់ទាំង៣៥ដើម្បីធ្វើយ៉ាងណាដំណើរការព្រឹត្តិការណ៍អូឡាំពិកឆ្នាំ២០២០ខាងមុខឱ្យរលូនបំផុត។ ភូមិអ្នកកីឡាដែលមានស្រាប់របស់ជប៉ុន ក៏ត្រូវបានកែកុនថ្មី ដើម្បីអាចទទួលអត្តពលិកបាន១ម៉ឺននាក់ផងដែរ៕ប្រភព៖ Dailymail
