លោក Rafael Benitez ហាក់កំពុងរីករាយនឹងការដឹកនាំនៅទ្រនំថ្មីនៃក្លឹបប្រទេសចិនជាពន់ពេក ក្រោយចាកចេញពី Newcastle United កាលពីប៉ុន្មានសប្តាហ៍កន្លងទៅនេះ។ រយៈពេល ៣ ឆ្នាំរបស់លោកនៅក្លឹបអង់គ្លេស ហាក់ធ្វើឲ្យអតីតគ្រូចាស់នៅហង្សរូបនេះមានការមិនពេញចិត្តនោះឡើយ ពោលគឺមានភាពរកាំរកូសទាំងស្រុងជាមួយនឹងប្រធានក្លឹប។
ជជែកដល់សកម្មភាពមួយចំនួននៅក្លឹប Dalian នៃក្របខ័ណ្ឌ Chinese Super League លោកបានសង្កត់ធ្ងន់ថាត្រឹមតែមកដល់រយៈពេលមួយសប្តាហ៍ លោកទទួលបានការកោះហៅជជែកពិភាក្សាក្នុងកិច្ចប្រជុំជាមួយប្រធានក្លឹបនិងអ្នកចាត់ការទូទៅ ច្រើនជាងចំនួននៃកិច្ចប្រជុំក្នុងរយៈពេល ៣ ឆ្នាំនៅ Newcastle ទៀតផង។
ជាងនេះលោកក៏បញ្ជាក់មិនថាថ្នាក់ដឹកនាំតូចធំនៅទ្រនំថ្មី ហាក់មានការគោរពនិងឲ្យតម្លៃដល់លោកជាខ្លាំង។ក្លឹប Dalian Yifang FC ឈរចំណាត់ថ្នាក់ទី ១០ នៅលីគ CSL ដោយនៅថ្ងៃសុក្រទី ១២ កក្កដានេះ ត្រូវតតាំងជាមួយក្លឹបGuangzhou R&F។ ប្រភព៖ Sportskeeda