មានក្លឹបចិនមួយដែលមិនបញ្ចេញឈ្មោះ ទាក់ទងយកខ្សែប្រយុទ្ធ Gareth Bale ទៅលេង ប៉ុន្តែត្រូវក្លឹប Real Madrid ច្រានចោលសំណើនោះ ព្រោះការចង់បាននេះគឺមិនផ្ដល់តម្លៃខ្លួនទៅក្លឹបឡើយ។
ក្លឹបចិនដែលចង់បាន Bale បានឱ្យសាមីខ្លួនដល់ជាង១លានដុល្លារឯណោះក្នុង១សប្ដាហ៍ ដើម្បីនាំយកកីឡាករវែលរូបនេះ។ យ៉ាងណាមិញ ក្លឹប Real Madrid មិនយល់ព្រមលក់ខ្សែប្រយុទ្ធលេខ១១របស់ខ្លួននោះទេ ព្រោះអីក្លឹបចិនដែលចង់បាននោះ គឺចង់បាន Bale ដោយ Free តែម្ដង មិនចង់បង់តម្លៃផ្ដាច់កុងត្រាឡើយ។
ការចង់បានដោយមិនបង់ឱ្យក្លឹបនេះហើយ ទើប Bale មិនអាចទៅបាន ហើយក៏បន្ដលេងឱ្យក្រុម Real Madrid ក្នុងការប្រកួតមិត្តភាពរដូវក្ដៅទៀត។ ដោយបច្ចុប្បន្នពួកគេកំពុងប្រមូលផ្ដុំហ្វឹកហាត់នៅប្រទេសកាណាដា៕ប្រភព៖ Dailymail