អ្នកចាំទី Luca Zidane ដែលជាកូនប្រុសបង្កើតរបស់អ្នកចាត់ការលោក Zinedine Zidane បានចាកចេញពី Real Madrid ទៅចូលរួមជាមួយក្លឹប Racing Santander នៅលក្ខខណ្ឌខ្ចីជើងហើយ។
បុរសវ័យ ២១ ពុំបានចូលរួមជាមួយមិត្តរួមក្រុមរបស់គេនៅក្លឹប Real Madrid សម្រាប់ប្រកួតត្រៀមបើករដូវកាលនៅប្រទេសកាណាដានាចុងខែកក្កដានេះទេ។ តាម Marca បានចុះផ្សាយថាកិច្ចព្រមព្រៀងរវាងភាគីទាំងសងខាង ជាកត្តាដែលអាចជំរុញឲ្យ Keylor Navas អាចបន្តឈរជើងនៅក្លឹបស្តេចសតទៅទៀត។
បញ្ជាក់ថាការចាកចេញរបស់ Luca គឺជាកីឡាករទី ៧ ហើយនារដូវក្តៅនេះ ដោយរួមមាន Marcos Llorente, Mateo Kovacic, Raul de Tomas, Sergio Reguilon, Martin Odegaard និង Theo Hernandez ដែលបានចែកផ្លូវជាមួយក្លឹប។ ប្រភព៖ Marca
