Thiago Alcantara បានជំរុញឲ្យខ្សែប្រយុទ្ធស្លាប Ousmane Dembele ចាកចេញពី Barcelona នារដូវក្តៅនេះ និងមកចូលរួមជាមួយខ្លួននៅក្លឹប Bayern Munich។
បុរសវ័យ ២២ ឆ្នាំដែលបានចាយពេល ២ រដូវកាលនៅ Camp Nou កន្លងមកហាក់មានបញ្ហារបួសច្រើន ធ្វើឲ្យគេបាត់បង់ឱកាសបង្ហាញខ្លួនលើទីលានប្រកួត។ ឆ្លើយតបនឹងចចាមអារ៉ាមកន្លងទៅធ្លាប់លឺថា Bayern បានដាក់សំណើ ៧០ លានអឺរ៉ូចង់បានកីឡាករបារាំងមកចូលរួមនៅទឹកដីអាល្លឺម៉ង់ ក្រោយការចាកចេញរបស់ Ribery និង Robben។
ជជែកដល់រឿងនេះ Thiago បាននិយាយប្រាប់ Diario Sport ថា៖ “Dembele ជាកីឡាករល្អម្នាក់ នាមជាកីឡាករដែលខ្ញុំធ្លាប់តតាំងជាមួយគាត់ ដោយខ្ញុំរីករាយនឹងចង់លេងជាមួយកីឡាករល្អៗដែលមកចូលរួមនៅ Bayern ប៉ុន្តែខ្ញុំមិនមែនជាអ្នកសម្រេចលើការចុះហត្ថលេខាយកកីឡាកររូបណាមួយនោះទេ”។
បញ្ជាក់ថាកីឡាករបារាំងរកបាន ១៤ គ្រាប់នៅការបង្ហាញខ្លួន ២០ លើកនៅ LaLiga កាលពីរដូវកាល ២០១៨/១៩ ដោយអនាគតរបស់គេក៏កំពុងចាក់ស្រេះជាមួយការមកដល់របស់ Neymar ផងដែរ។ ប្រភព៖ AF
